Stjórnendur

Hera Grímsdóttir, framkvæmdastýra Rannsókna og nýsköpunar, er með meist­ara­gráðu í bygg­ing­ar­verk­fræði með áherslu á fram­kvæmd­ir og ákvörðun­ar­töku sem og með MBA-gráðu frá Há­skól­an­um í Reykja­vík. Frá 2018-2022 var hún for­seti iðn- og tækni­fræðideild­ar Há­skól­ans í Reykja­vík en var áður sviðsstjóri bygg­ing­ar­sviðs við tækni- og verk­fræðideild skól­ans. Hera hef­ur mikla reynslu af stjórn­un og verk­efn­is­stjórn­un í flókn­um verk­efn­um. Hún starfaði áður hjá verk­fræðistof­unni EFLU, fyrst á orku­sviði og síðar fram­kvæmda­sviði. Árin 2011 til 2015 stýrði hún alþjóðleg­um há­tækni­verk­efn­um hjá stoðtækja­fram­leiðand­an­um Öss­uri.

Snorri Hafsteinn Þorkelsson, framkvæmdastjóri fjármála, býr yfir mikilli alþjóðlegri reynslu og kemur til Orkuveitunnar frá Baader á Íslandi og Skaganum 3X. Þar áður starfaði hann í rúman áratug sem fjármálastjóri hjá Marel á Íslandi og síðar sem fjármálastjóri fiskiðnaðar hjá Marel. Einnig var Snorri fjármálastjóri Dohop í fjögur ár. Snorri útskrifaðist með BSc. í viðskiptafræði frá Háskólanum í Reykjavík árið 2005 og MAcc í reikningshaldi og endurskoðun frá sama skóla tveimur árum síðar.

Ellen Ýr Aðalsteinsdóttir, framkvæmdastýra Mannauðs og tækni hjá Orkuveitunni, er með Diploma í mannauðsstjórnun frá Háskóla Íslands og hefur starfað í mannauðsmálum frá árinu 2006. Fyrst sem mannauðsráðgjafi á mannauðssviði Símans og frá 2017 sem mannauðleiðtogi hjá Orkuveitunni. Ellen hefur komið að ýmsu er snýr að mannauðsmálum hjá Orkuveitunni og hefur m.a. verið bakhjarl stjórnenda við framkvæmd mannauðsstefnu og svokallaður vaxtarsproti (growth agent) og kyndilberi breytinga sem hefur það markmið að skapa virði fyrir viðskiptavini, starfsfólk og rekstur Orkuveitunnar.

Sólrún Kristjánsdóttir, framkvæmdastýra Veitna, lauk BA prófi í uppeldis- og menntunarfræði frá Háskóla Íslands 1998 og meistaraprófi í stjórnun og stefnumótun frá sama skóla árið 2004. Hún hóf störf hjá Starfsmannamálum Orkuveitunnar árið 2004, hafði umsjón með starfsþróunarmálum frá árinu 2006 og mannauðsstjóri frá árinu 2012. Áður starfaði Sólrún við kennslu og sem ráðgjafi á Stuðlum, meðferðarheimili ríkisins fyrir unglinga.

Einar Þórarinsson, framkvæmdastjóri Ljósleiðarans, er með B.Sc. gráðu í Tölvunarfræði frá Háskólanum í Reykjavík. Einar hefur m.a. starfað sem forstöðumaður rekstrar og upplýsingaöryggis hjá Vodafone auk þess sem hann leiddi upplýsingatæknimál félagsins. Þá var hann forstöðumaður þjónustu hjá Advania og síðar framkvæmdastjóri þjónustu og markaðsmála. Einar starfaði áður hjá heilsutæknifyrirtækinu Sidekick Health þar sem hann bar ábyrgð á vörumótun og þróun miðlægs hluta tæknilausnarinnar, ásamt því að leiða skipulagningu á tæknilegum rekstri og innviðum.

Árni Hrannar Haraldsson, framkvæmdastjóri Orku náttúrunnar, lauk B.Sc. námi í efnafræði frá Háskóla Íslands árið 1997 og M.Sc. gráðu í rekstrarverkfræði frá Danmarks Tekniske Universitet (DTU) árið 2000. Árni Hrannar bjó í Sviss frá árinu 2011 og starfaði sem framkvæmdastjóri og bar ábyrgð á aðfangakeðju MSPharma sem er alþjóðlegt lyfjafyrirtæki með starfsemi víða um heim. Þá hefur Árni Hrannar einnig gegnt lykilhlutverkum hjá Xantis Pharma í Sviss, Actavis og 66° Norður. Árni Hrannar hefur mikla reynslu sem yfirmaður í markaðsleiðandi fyrirtækjum bæði innanlands og á alþjóðamarkaði. Hann hefur haft fjölþætt mannaforráð og borið ábyrgð á umfangsmiklum rekstri. t.d. innkaupum, framleiðslu og stýringu á flóknum aðfangakeðjum.

Edda Sif Pind Aradóttir er framkvæmdastýra Carbfix og kolefnisfargari. Hún er efnaverkfræðingur og lauk doktorsnámi frá HÍ árið 2011. Edda hóf störf hjá Orkuveitunni árið 2003 og starfaði sem forstöðumaður nýsköpunar og framtíðarsýnar á Rannsókna- og nýsköpunarsviði Orkuveitunnar og var verkefnisstýra Carbfix loftslagsverkefnisins frá árinu 2011. Í störfum sínum fyrir Orkuveituna leiddi Edda m.a. stefnumótandi verkefni hvað varðar sjálfbæra auðlindanýtingu til framtíðar auk þess sem hún stýrði stórum alþjóðlegum nýsköpunarverkefnum styrktum af rammaáætlun ESB um orku- og loftslagsmál. Edda hefur unnið ötullega að miðlun upplýsinga um kolefnisförgun sem mótvægisaðgerð við loftslagsvána, m.a. í mörgum útbreiddustu fjölmiðlum heims og á stefnumótandi viðburðum þjóðarleiðtoga.

Breki Logason, Samskiptastjóri Orkuveitunnar, útskrifaðist með MBA-gráðu frá Háskólanum í Reykjavík árið 2015. Hann hefur víðtæka reynslu af fjölmiðlum þar sem hann starfaði sem blaða- og fréttamaður auk þess sem hann var fréttastjóri Stöðvar 2. Hann hefur einnig starfað í auglýsingageiranum, sem ráðgjafi í heilbrigðisráðuneytinu og sem framkvæmdastjóri ferðaþjónustufyrirtækisins Your Day Tours sem hann stofnaði árið 2015.

Elín Smáradóttir, yfirlögfræðingur Orkuveitunnar, útskrifaðist úr lagadeild Háskóla Íslands árið 1994 og hlaut héraðsdómslögmannsréttindi árið 1996. Hún starfaði hjá Skipulagsstofnun á árunum 1994-2003 og síðan hjá Orkustofnun til ársins 2008 þegar hún gekk til liðs við Orkuveituna.

Birna Bragadóttir hefur víðtæka reynslu af rekstri, mannauðsstjórnun og þjónustu, m.a. sem framkvæmdastjóri Sandhotels og í mannauðs- og þjónustustjórnun hjá Icelandair, Orkuveitunni og Capacent. Hún er með MBA frá HR, BA próf í félagsfræði og hefur lokið prófi í Design Thinking frá MIT og stjórnendamarkþjálfun hjá Coach Univeristy.

Birna hefur breiða reynslu af stjórnarstörfum. Hún var stjórnarformaður Ljósleiðarans og Hönnunarsjóðs, hefur setið í stjórn KÍO, VOR vísinda- og frumkvöðlasjóðs Orkuveitunnar ásamt stýrihópi Hringiðu, nýsköpunarhraðals fyrir grænar lausnir. Í dag situr hún í stjórn Orku náttúrunnar og Orkuklasans.